У гады Вялікай Айчыннай вайны на тэрыторыі нашай краіны гітлераўскімі акупантамі было створана звыш 260 лагераў смерці і месцаў масавага знішчэння савецкіх грамадзян. Па некаторых звестках, у канцэнтрацыйных лагерах фашысты замучылі, расстралялі, спалілі звыш паўтара мільёна чалавек. Лічбы не проста страшныя, а жахлівыя. Адной з фабрык смерці, дзе штодня ў страшных пакутах ад холаду, голаду, сыпнога тыфу і іншых хвароб паміралі тысячы ні ў чым не вінаватых людзей лічыцца Азарыцкі канцэнтрацыйны лагер смерці. Знаходзіўся ён на тэрыторыі Калінкавіцкага раёна Гомельскай вобласці. Там упершыню фашысты выкарыстоўвалі новы метад знішчэння людзей – бактэрыялагічную зброю.
09 мая, 2024
