Работа інтэрактыўных пляцовак дзясятага фестывалю сямейнага адпачынку “Зецельскі фэст” завяршылася цырымоніяй узнагароджання. Па рашэнні кіраўніцтва райвыканкама ўсе сем’і-ўдзельніцы атрымалі падарункі.
Прызёрам і пераможцам кожнай інтэрактыўнай пляцоўкі ўзнагароды ўручылі старшыня раённага выканаўчага камітэта Андрэй Садоўскі і член Савета Рэспублікі, дэпутат Гродзенскага абласнога Савета дэпутатаў Андрэй Жамойда.
У “Бітве талентаў” першае месца дасталося сям’і Ясевіч (Гродна), другое – сям’і Добыш (Дзятлава), трэцяе – сям’і Пашкевіч (Ашмяны).
На “Турыстычнай пляцоўцы” пераможцаў было больш. “Золата” дасталося сем’ям Кець (Дзятлава) і Жукоўскіх (Слонім), “серабро” забралі сем’і Лашкоўскіх (Дзятлава) і Клімовіч (Навагрудак), “бронзу” – сям’я Чарновых (Дзятлава).
У самым смачным конкурсе на пляцоўцы “Гастранамічная” першае месца прысуджана сем’ям Альшэўскіх (Дзятлава) і Бацько (Зэльва), другое – сем’ям Валчэцкіх (Дзятлава) і Парфенчыкаў (Ліда), трэцяе – сем’ям Карамышавых і Макуцаў з Дзятлава.
Найбольш артыстычных вызначалі на пляцоўцы “Арт-актыў”. Лепш за ўсіх паказала сябе сям’я Глод (Карэлічы), на другім месцы – сям’я Шнырко (Карэлічы), на трэцім – сям’я Карабань (Астравец).
У спартыўных спаборніцтвах самай спрытнай аказалася сям’я Чарныш (Воранава), другое месца дасталося сям’і Шапавалавых (Ліда), трэцяе – сям’і Чарнецкіх (Масты).
Пераможцаў гарадскіх прыгодаў “Зецель-квэст: сямейны драйв” узнагародзілі старшыня раённага Савета дэпутатаў Аляксандр Бараноўскі і старшыня камітэта па працы, занятасці і сацыяльнай абароне Гродзенскага аблвыканкама Вольга Сядзельнік.
Спецыяльныя прызы атрымалі сем’і Богдан, Крупіца, Жэгалавых, Лашкоўскіх, Каляда. Галоўны прыз – тэлевізар – выйграла сям’я Чапяловых.
Усе сем’і, якія прымалі ўдзел у інтэрактыўных пляцоўках, акрамя прызоў і дыпломаў, атрымалі шмат пазітыву, набылі цікавы вопыт і новыя ўражанні і знаёмствы.
04 июня, 2026
.jpg "Неделя цифровой грамотности")